બાજી જાશે રે

બાજી જાશે રે

ખૂંટલને મન ખરખરો થાશે રે

જીતી બાજી હાથેથી જાશે રે,

કોઈ કહ્યું નથી માનતા

પણ દેહી દુઃખ બહુ હેશે રે

ભલા, ભલાયું કરી લેજો

આ રંગ જાતો રહેશે રે

જીતી બાજી હાથેથી જાશે રે...

હક નથી હાલતો હરિ ભજ્યા વિના

કાળ ગળી જાશે રે

આરે દિશાના, ચેહ ઉપર

પછી વાવલિયા વાશે રે

જીતી બાજી હાથેથી જાશે રે...

વિચાર કરીને વાવ્યા વિના

ફળ ક્યાંથી થાશે રે

‘ભોજો ભગત’ કહે ભજન કર્યા વિના

નીર ખારે ઈ ન્હાશે રે

જીતી બાજી હાથેથી જાશે રે...

baajii jaashe re