એવું જેને ઊપજ્યું રે

એવું જેને ઊપજ્યું રે, તેને ન રહ્યું કહેવાનું કાંઈ જી.

કથવું બકવું સુણવું સર્વે સમાવ્યું માંહી. એવું0

સાકર કેરી પૂતળી, વિરાટ રૂપે થાય જી;

સઘળે સોંસરવી રસભરી, તેને ગમે ત્યાંથી ખાય. એવું0

એકાએકી જાહ્નવી, જૂજવાં જ એનાં નામ જી;

પાતક ટાળે પિંડનું, જે ન્હાય જન નિષ્કામ. એવું0

ગોરી–ગરબો એક, પણ બહુ બારણાં તે માંહ્ય જી;

માંહી દીપક એક, પણ તે દ્વારે દ્વારે દેખાય. એવું.

ભક્ત ભગવાન એક છે, સમજે તો સંશય જાય જી;

કહે બુટો એક વાત સહુ, એમાં ઘણું કહ્યે શું થાય? એવું.

(‘કાવ્યસંચય–1’માંથી)

aevu jene upajyu re