અધૂરિયા સે નો હોય દલડાંની વાતું

અધૂરિયા સે નો હોય દલડાંની વાતું

મારી બાયું રે!

નર પૂરા મળે તો રાવું રેડીએ રે

એવા ખાડા રે ખાબોચિયાં કેરી દેડકી રે

ઈ શું જાણે સમદરિયાની લહેરું?

મારી બાયું રે...

દૂધ 'ને સાબૂએ ધોયા કોયલા રે

ઈ કોયલા કોઇ દી' ઊજળા નો થાય

મારી બાયું રે...

એવાં દૂધડાં પાઇને વખંભર સેવિયા રે

ઈ મૂકે નંઈ મુખડાં કેરાં ઝેર

મારી બાયું રે...

એવા દુરજનિયાની આડે મોટા ડુંગરા રે

એ જી, મારા હરિજનિયાની સંગ હાલું

મારી બાયું રે...

ગુરુ પ્રતાપે 'લીરબાઇ' બોલિયાં રે

એ જી, મારા સાધુડાનો બેડલો સવાયો રે

મારી બાયું રે...

adhuuriyaa se no hoy daldaanii vaatun