રેખ્તા
હિન્દવી
સૂફીનામા
રાજસ્થાની
આજની ઘડી રે રળિયામણી.
હાંરે મ્હારા વ્હાલાજી આવ્યાની વધામણી જી રે; ...આજની૦
હાંરે સોહાસેણ પુરોની સાથીયા,
હાંરે ઘેર મલપતા આવે તે હરિ હાથીયા જી રે; ...આજની૦
હાંરે સખી આલેરા વાંસ અણાવીએ,
હાંરે મ્હારા વ્હાલાજીને મંડપ રચાવીએ જી રે; ...આજની૦
હાંરે સોહાસેણ ચાર તેડાવીએ,
હારે મ્હારા વ્હાલાજીને મોતીડે વધાવીએ જી રે; ...આજની૦
હાંરે સોહાસેણ મળશે જે ઘડી,
હાંરે મારા પ્રભુજી પધારે તે ઘડી જી રે; ...આજની૦
હાંરે મલ્યા દાસ રાજેના સ્વામી ફાંકડા,
હાંરે હું તો મોહી રહી મૂછના આંકડા જી રે; ...આજની૦
સ્રોત
- પુસ્તક : કાવ્યસંચય-૧ (પૃષ્ઠ ક્રમાંક 160)
- સંપાદક : અનંતરાય મ. રાવળ, હીરા રામનારાયણ પાઠક
- પ્રકાશક : ગુજરાતી સાહિત્ય પરિષદ
- વર્ષ : 1981