રેખ્તા
હિન્દવી
સૂફીનામા
રાજસ્થાની
આજ મારે પ્રેમ પ્રગટ્યો રે, સંતો હૃદય ઉમિયા સૂર
પ્રેમ તણા ગુણ ઐસા આયે, વિષના વાજા નહીં
પ્રેમના જેગી પ્રેમના ભાગી, પ્રેમની વાતો સહી - આજ.
પ્રેમે ગુરુની હું પતિવંતા, પ્રમે પહેરું શણગાર
સોળ શણગાર પહેરું પ્રેમના, પ્રેમ ચરણ બલિહાર - આજ.
પ્રેમે વાડી પ્રેમે ધોડી, પ્રેમે ખેતર ખેડે
પ્રેમ તણા વાવણિયા જોડી પ્રેમે કણસલાં વેડે - આજ.
બે પગા, ચોપગા તેજ તરણામાં, પ્રેમનાં પંખી બોલે
પ્રેમ ગુરુવાણી વિદ્યા છે, નાવે પ્રેમની તોલે - આજ.
પ્રેમ ઘણી પાવસ વરસે, અવનીમાં ધરિયાં રૂપ
અઢારભાર વનસપતિ પ્રેમે, પ્રેમનાં સંત સ્વરૂપ - આજ.
જોધલ જનકનાં ગુણ ગાનનાં, યશ બોલું દીન થઈ
જોધા પ્રતાપે ભણે ભવાનીદાસ, ગુરુ મારા જય જયકારભઈ
આજ મારે પ્રેમ પ્રગટ્યો રે.
સ્રોત
- પુસ્તક : હરિજન લોકકવિઓ અને તેમનાં પદો (પૃષ્ઠ ક્રમાંક 50)
- સંપાદક : દલપત શ્રીમાળી
- પ્રકાશક : માહિતીખાતું, ગાંધીનગર
- વર્ષ : 1970