રેખ્તા
હિન્દવી
સૂફીનામા
રાજસ્થાની
આજ મારા ગુરુદાતા મંદિરીએ પધાર્યા
aaj maaraa gurudaataa mandiriiye padhaaryaa
બહેચર સ્વામી
બહેચર સ્વામી
આજ મારા ગુરુદાતા મંદિરીએ પધાર્યા,
પ્રેમ તણા રે મેં તો પટા રે લખાવું, હુકમ હજૂર પિલાયા,
શબ્દ તણા રે મેં તો ઘોડા રે બનાયા,
સુરતાની લગામ ચડાવું રે... આજ૦
કાળક્રોધ કું ગરદન મારું તો, અદલ કી અદલ ચલાવું રે,
પાંચ પચીસ કું એક ઘેર લાવું, નવીન કા નાબ ચલાયા રે... આજ૦
ચૌદ રે ઇન્દ્રીના વિષયોને વારું, નૂરીજન કાળ કું મારું રે,
કાયા રે નગરીમાં ધૂમ મચાવું, સત કા નિશાન રોપાવું રે... આજ૦
ત્રિકુટી પર ચડી તખત પર જોયું, આસનવાળી ગુરુ બેઠા રે,
હદ પર ચડી બેહદ પર જોયું તો, અખંડ આપ દર્શાયા રે... આજ૦
નિજાનંદ મળિયા નિરંતર બતાયા, અલખ પુરુષ ઓળખાયા રે,
'સ્વામી બહેચર' ચરાચર જોયું તો, અપના રૂપ દિખલાયા રે... આજ૦
સ્રોત
- પુસ્તક : ઉત્તર ગુજરાતનું સંત-પંથ સાહિત્ય : વ્યાપ અને વૈવિધ્ય (પૃષ્ઠ ક્રમાંક 55)
- સંપાદક : ડૉ. રાજેશ મકવાણા
- પ્રકાશક : પોતે
- વર્ષ : 2014