રેખ્તા
હિન્દવી
સૂફીનામા
રાજસ્થાની
આ દેહ ગેહ સમાન, જુઓ સુમતિવાન જનો રે... આ૦
પીઠ તણા બરડાનું હાડ તે, છે આડસર બળવાન;
પાંસળીઓ ભળિયો વળિયો વળી, ભુજ પદ થંભ નિદાન... જુઓ૦
અસ્થિ બધાં ઈંટ પથ્થર થર લઈ, કીધી વિધિ કડીએ કમાન;
માંસ રૂપી કચરે ચૂને ચણિયું, રુધિર જળેથી મકાન... જુઓ૦
કોઈ વિચિત્ર સુચામડી શામળી, રાતી ગોરેવાન;
તે રૂપી રંગે રંગેલુ, ભવ્ય ભુલાવે ભાન... જુઓ૦
માની લો મુખ આંખ નાક ને, કોરણી કીધેલ કાન;
ઈત્યાદિક ઇંદ્રિરૂપી છે, બારીઓ બેશ નિશાન... જુઓ૦
આ ઘરનો દૃષ્ટા ઘરથી પર, હું આત્મા સહુ જાણ;
એક ‘ભવાનીશંકર’ ભજી લો, તજી તનનું અભિમાન... જુઓ૦
સ્રોત
- પુસ્તક : આત્મજ્ઞાનનાં ભજન-ભાગ પહેલો (પૃષ્ઠ ક્રમાંક 78)
- સંપાદક : ઓશિંગણ
- પ્રકાશક : ધી ઇન્ડિયાપબ્લિશિંગ કંપની લિમિટેડ
- વર્ષ : 1909