રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
દીપક બારડોલીકર
શેરી-શેરી આગ છે ગુજરાતમાં!
હા, કદી માહોલ મુસ્કાતો હતો
મીઠડો કલ્લોલ પડઘાતો હતો
ચૂંદડીના રંગ ફરફરતા હતા
ને હૃદયનો જામ છલકાતો હતો.
ક્યાં હવે એ વાત છે ગુજરાતમાં!
શેરી-શેરી આગ ચે ગુજરાતમાં!
જે હતી, એક ભાઈબંધી પણ ગઈ
મનની વાતો, દિલની યારી પણ ગઈ
ગુમ થઈ સહિયારા સાહસની મજા
ને ઝળકતી કામિયાબી પણ ગઈ.
જે હતું સુંદર, અસુંદર થૈ ગયું.
ઘોર અંધારું મુકદર થૈ ગયું
ઘાત, તાતી ઘાત છે ગુજરાતમાં!
શેરી શેરી આગ છે ગુજરાતમાં!
કોણ હાકિમ છે આ કોનું રાજ છે
લોહીપ્ચાસા ભેડિયાની ધાક છે
માણસાઈનો જનાઝો છે અને
હર્ષથી નાચી રહ્યો સેતાન છે
આંધળી બહેરી છે ખુરશીઓ કદાચ
વાઘવાડામાં છે બકરીઓ કદાચ
મોતનો એક રાગ છે ગુજરાતમાં!
શેરી શેરી આગ છે ગુજરાતમાં!
કોઈ તો આવે, બુઝાવે આગને
કોઈ તો આવે, ખિલાવે બાગને
કે ટહુકા નિર્ઝરે ગુજરાતમાં!
શેરી શેરી સૌ હસે ગુજરાતમાં!
સ્રોત
- પુસ્તક : કુલ્લિયાતે દીપક (પૃષ્ઠ ક્રમાંક 263)
- સર્જક : દીપક બારડોલીકર
- પ્રકાશક : પોતે
- વર્ષ : 2007