રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
વસંતસ્પર્શ
wasantasparsh
વિનોદ અધ્વર્યુ
વિનોદ અધ્વર્યુ
આ…
યુદ્ધવિધ્વસ્ત ધરા...
ઉધ્વસ્ત...ક્લાન્ત...
હૈયાવ્રણોનાં હિબકાં
હજી માંડ થયાં છ શાન્ત,
હજી હવામાં મળતી ન હા...શ,
નિરાંતના એક ન ક્યાંય શ્વાસ,
ત્યાં—
તપ્ત ને શાપિત આ ધરા પરે
(જુઓ...જુઓ...આ!)
ડોકાય ફૂલો!
દયામયી કો પરિચારિકા સમી
વસંત ધીરાં પગલાં, અહો! ભરે
અને...
હજી ય ઊના અવશેષમાંથી
(જુઓ...જુઓ ...શાં!)
ડોકાય ફૂલો!
...નવકૌતુકે ભર્યાં
વસંતસ્પર્શે
શતક્ષતા, તોય હસંત હર્ષે
સમષ્ટિને કૈં વળતો કરાર,
જાણે,
ઈસુ-સ્કંધ પરેથી કોકે
લીધો ઉપાડી જરી
ક્રૂસભાર!
સ્રોત
- પુસ્તક : કાવ્યસંચય - 3 (પૃષ્ઠ ક્રમાંક 114)
- સંપાદક : રમણલાલ જોશી, જયન્ત પાઠક
- પ્રકાશક : ગુજરાતી સાહિત્ય પરિષદ
- વર્ષ : 1981