રેખ્તા
હિન્દવી
સૂફીનામા
રાજસ્થાની
તમે ગાંધીજીને જોયા હતા?
tame gandhijine joya hata?
પ્રિયકાન્ત મણિયાર
પ્રિયકાન્ત મણિયાર
એકદમ જ્યાં સાવ નાના ભાઈએ પૂછ્યું,
“તમે ગાંધીજીને જોયા હતા?”
ત્યાં હું અચિંતો ને સહજ બોલી ગયો કે ‘હા’
અને એ ઓશિયાળી આંખથી જોઈ રહ્યો મુજને
અને બબડી ગયો—
‘ત્યારે અમે તો હીંચતા'તા ઘોડિયામાં
પેન-પાટી લૈ હજુ તો એકડાને ઘૂંટતા’તા રે અમે!’
હું હવે કોને કહું કે ‘ના તમે,
એ તો અમે.’?
સ્રોત
- પુસ્તક : અશબ્દ રાત્રિ (પૃષ્ઠ ક્રમાંક 12)
- સર્જક : પ્રિયકાન્ત મણિયાર
- પ્રકાશક : રવાણી પ્રકાશન ગૃહ
- વર્ષ : 1959