રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

સર્જનક્ષણે

જયેન્દ્ર શેખડીવાળા

જયેન્દ્ર શેખડીવાળા

સર્જનક્ષણે

જયેન્દ્ર શેખડીવાળા

Roman

વરાળની રુંવાટી પર હું થરકું

સરકું શ્વેત કમળની નાભિમાં-

જ્યાં

વિશ્વો રજકણ થઈને ઊડે

સચરાચરના તંગ મત્ત હોલ્લારા ઊડે

ફૂંકાતા, ફેલાતા, રગરગ વિખરાતા

જ્યાં

પ્રાણ સકળ ભૂત એક પિણ્ડમાં,

લહેરાતાં, લહેરાતાં કૈં લહેરાય

સ્વરોનાં વ્હાણ;

ખોદતું જાય

કશું

કૈં

સાગરનાં તળ ઊંડે ઊંડે

સાગરતળમાં અણપ્રિચ્છ્યાં આકાશ જઈને બૂડે

પંખીનો ચ્હેંકાર ઊડે

ને

ગર્ભમાં સરકું સ્હેજ,

રે થરકું સ્હેજ –

ને કંપે શબ્દસપાટી ભૂર્જપત્રમાં!

સર્જન

સ્રોત

પુસ્તક : આધુનિક ગુજરાતી કવિતા (1950-2010) (પૃષ્ઠ ક્રમાંક 71)
સંપાદક : કમલ વોરા, પ્રવીણ પંડ્યા
પ્રકાશક : સાહિત્ય અકાદમી
વર્ષ : 2017