રેખ્તા
હિન્દવી
સૂફીનામા
રાજસ્થાની
કવિનું મૃત્યુ
kawinun mrityu
હસમુખ પાઠક
હસમુખ પાઠક
ચોકની વચ્ચે પડેલા
એક ઉંદરના મરેલા
દેહ પર તીણા ઉઝરડા ન્હોરના
થીજી રહ્યા છે આજ ઠંડા પ્હોરના.
જોઉં છું હું, જોઉં છું હું,
જોઉ છું – જોતો નથી.
મારી નજર તો સાવ ખાલી
આંખ જાણે કાચનો કટકો,
અને હું કાળજે કંપું નહીં
ને આ હૃદયમાં કયાંય ના ખટકો!
હવે તો બસ કરું,
જંપું અહીં.
સ્રોત
- પુસ્તક : ગુજરાતી ઊર્મિકાવ્યો (પૃષ્ઠ ક્રમાંક 80)
- સંપાદક : જયન્ત પાઠક, રમણલાલ પાઠક
- પ્રકાશક : આદર્શ પ્રકાશન
- વર્ષ : 1983