રેખ્તા
હિન્દવી
સૂફીનામા
રાજસ્થાની
ખિસકોલીઓ
khiskolio
પ્રિયકાન્ત મણિયાર
પ્રિયકાન્ત મણિયાર
શિશિરની રાત્રિમાં ઠરી ગઈ
આ અગાસી થકી ઊભી ઊભી રહી ભીંતને
સ્હેજમાં તેજથી સૂર્ય હૂંફવી રહ્યો ત્યાં જ તો
સેલતી ગેલતી
સુપ્ત સંતાયલી
ક્યાંકથી છટકીને આવી ના હોય શું એવી ઉતાવળે
મચી ગઈ મોજમાં
ઘડી અહીં ઘડી તહીં
ઘડી ઊઁચે ઘડી નીચે
–ભેરુ જાણે બધા નીર ન્હાવા પડ્યા–
નીરવ કિલ્લોલને શો ચગાવ્યો હવામાં અહીં!
નિત્યની ભીંત જે સાવ ચોરસ રહી એ જ વર્તુલ બની;
પલકમાં પુચ્છની પીંછી ચીતરી ગઈ
માહરી આંખમાં ઝૂલતાં વૃક્ષ કૈં સામટાં.
સ્રોત
- પુસ્તક : અશબ્દ રાત્રિ (પૃષ્ઠ ક્રમાંક 18)
- સર્જક : પ્રિયકાન્ત મણિયાર
- પ્રકાશક : રવાણી પ્રકાશન ગૃહ
- વર્ષ : 1959