રેખ્તા
હિન્દવી
સૂફીનામા
રાજસ્થાની
મણિલાલ-
manilal
રાવજી પટેલ
રાવજી પટેલ
તું કવિતા થઈને
લયલોહ્યું દિલ ખોલ
ડાંગરના ખેતરમાં તડકો થઈને તું પ્રગટેલો
અષાઢના પહેલા વાદળનો રેલો
પીળા બાવળનાં ફૂલ થઈને મારું શૈશવ ગાતો
અંધારામાં ઊકલી પડતો
કોયલનું ટોળું થઈ મારી આંખે ઢળતો
અડતાં અડતાંમાં તું તડાક દઈને ઊઘડી પડતો
તું મારી માટીના જાયો માટીના સ્તનમાં
ક્યાં સંતાયો
મીઠા લયના સર્પ-મણિધર
ડસવાનું તું… છોડ
હું… ક્યાં છું દુર્ભાગી માતા
કે ફરી ફરી
મારા મનમાં જન્મી જન્મી શ્વાસ છોડતો
સ્રોત
- પુસ્તક : રાનેરી (પૃષ્ઠ ક્રમાંક 122)
- સર્જક : મણિલાલ દેસાઈ
- પ્રકાશક : ગૂર્જર ગ્રંથરત્ન કાર્યાલય
- વર્ષ : 1987
- આવૃત્તિ : 2