રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

બન્યા કરે

હસિત બૂચ

બન્યા કરે

હસિત બૂચ

Roman

એવું તો ભઈ, બન્યા કરે

કે

સરલ મારગે પહાડ અચાનક ઊભો થાય.

ફૂલ અકારણ કાંટો થાય;

ભઈ,

તેથી કંઈ

હતું ફૂલ, ન્હોતું કહેવાય?

મળિયો મારગ તજી જવાય?

એવુંયે અહીં બન્યા કરે

પ્હાડ પડ્યા રે’, પગને ફૂટે પાંખો,

કાંટા પર પણ ઋજુ ફરકતી રમે આપણી આંખો;

ભલે

ન પળ એ રહ્યા કરાય!

ભલે

વિરલ એ:

વિતથ કેમ એને કહેવાય?

એવું તો અહીં બન્યા કરે,

કે-

એવુંય ભઈ, બન્યા કરે.

કે-

સ્રોત

પુસ્તક : આપણી કવિતાસમૃદ્ધિ (ઉત્તરાર્ધ) (પૃષ્ઠ ક્રમાંક 182)
સંપાદક : ચન્દ્રકાન્ત ટોપીવાળા
પ્રકાશક : ગુજરાતી સાહિત્ય પરિષદ
વર્ષ : 2004