રેખ્તા
હિન્દવી
સૂફીનામા
રાજસ્થાની
ગલ, વાયસ
gal, vaayas
રાજેન્દ્ર શાહ
રાજેન્દ્ર શાહ
ગલ, વાયસ : શ્વેત, શ્યામ;
અંભોધિને તટપ્રદેશ રમે 'ભિરામ.
આ સંધિને સમય...
અચલ શર્વરીનું
ઝીણું, વરેણ્યકિરણે ગ્રહી લીધ સ્હેજ.
રે બે સલજ્જ ઉરનો મધુપર્કમેળો!
અંકાય પેલી ક્ષિતિજે અરુણાઈ કેવું
આનંદની લહર શું પ્રસરંત હેત!
આછો ઉઘાડ સમચિત્તની શાન્તિવંત :
પાંખો રમે ધવલકૃષ્ણ હળીમળીને :
આંહીં વ્યતીત-ભવિતવ્ય-મહીં વિહાર
રે સ્વપ્ન-જાગૃત-અવસ્થિતિ-એકસંગ!
હું અર્ધ પાંપણઢળેલ દૃગો ભરીને
છાયાપ્રકાશમય વિશ્વ લહું લલામ.
છાયા પ્રકાશ...
ગલ, વાયસ...
શ્વેત, શ્યામ!
સ્રોત
- પુસ્તક : કાવ્ય-કોડિયાં – રાજેન્દ્ર શાહનાં કાવ્યો (પૃષ્ઠ ક્રમાંક 25)
- પ્રકાશક : લોકમિલાપ ટ્રસ્ટ