રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
દૃગ દડે જ ને
લખોટી સમાં, ઢાળ હોય ત્યાં ઢળે,
ઢાલ હોય ત્યાં લડે : ટકરાઈ પાછાં ફરે,
પોલાણ હોય ત્યાં સરે,
સમથળ ભૂમિ પર જો હલેચલે
તો જરાક
ને સ્થિર થઈ ના ચસે
હોય જ્યાં ખંજન.
મોસમમાં એ ચહે ટેરવું
રહે અડોઅડ
ને નહીં તો અંધારું ખાનું
પડ્યાં રહે ને
ખૂલે ત્યારે ધસી જાય...ને દડે.
દડે જ ને...
સ્રોત
- પુસ્તક : શરૂઆત (પૃષ્ઠ ક્રમાંક 12)
- સર્જક : મહેશ શાહ
- પ્રકાશક : ગુજરાતી સાહિત્ય પરિષદ
- વર્ષ : 1982