રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
હું જીવું છું
hun jiwun chhun
મણિલાલ દેસાઈ
મણિલાલ દેસાઈ
હું જીવું છું:
નવોઢા કોઈ જાણે
અંગમાં જેના કશું લાવણ્ય ના.
હું જીવું છું:
જીર્ણ કો ઘડિયાળનો કાંટો;
હવે તો કણસતો દર્દી બની.
હું:
હમણાં જ જે પાડી ગયો પગલાં
એ ઝંઝાવાત?
ના.
હમણાં જ જે છલક્યો,
સૂરજને હાથતાળી દઈ જરા મલક્યો,
એ દરિયો?
ના.
હમણાં જ જે રસ્તાકિનારે રૈ ઊભું
હીબકાં ભરે કોઈ ત્યજાયેલું શિશું;
એ?
ના.
એ યે નહીં, એ યે નહીં, એ યે નહીં.
સ્રોત
- પુસ્તક : રાનેરી (પૃષ્ઠ ક્રમાંક 72)
- સર્જક : મણિલાલ દેસાઈ
- પ્રકાશક : ગૂર્જર ગ્રંથરત્ન કાર્યાલય
- વર્ષ : 1987
- આવૃત્તિ : 2