રેખ્તા
હિન્દવી
સૂફીનામા
રાજસ્થાની
વાંદરો અને વિદ્વાન
wandro ane widwan
ઝવેરચંદ મેઘાણી
ઝવેરચંદ મેઘાણી
[વસંતતિલકા]
આ એક જાનવર ને વિદવાન બીજો;
એવા કુભેદ કરજો ન અમારી વચ્ચે;
ભાળે ન સામ્ય અમ બેઉની વચ્ચે અંધા,
કાં કે અમે લઘુમતી, બહુસંખ્ય તેઓ!
જ્ઞાની અમો ઉભય, રે નીરખો અમારાં
ડાચાં પરે જ શું ન અંકિત દિવ્ય પ્રજ્ઞા?
પ્રેમી અમે શું કમ એકબીજાથી? બોલો!
સૌંદર્ય શું ઉભયને નયણે ન સ્પષ્ટ?
દૂરત્વ એ જ દુઃખ છે! પશુ ને મનુષ્યો
દૂર ધકેલી સરસાઈ બડાઈ મારે
રે માનવી અવર માનવને હટાવી;
સૌંદર્યશીલ, બહાદુર ઠરેછ પોતે.
સ્રોત
- પુસ્તક : સોના નાવડી (પૃષ્ઠ ક્રમાંક 23)
- સંપાદક : જયંત મેઘાણી
- પ્રકાશક : ગુજરાત સાહિત્ય અકાદમી
- વર્ષ : 1997