રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
નવાં સ્વપ્ના જોઈ
nawan swapna joi
હરિશ્ચંદ્ર ભટ્ટ
હરિશ્ચંદ્ર ભટ્ટ
નવાં સ્વપ્ના જોઈ
નવાં સ્વર્ગે રાચ્યો, અવ તપન તારાં શરુ થતાં,
વીંછીડંખો, કાંટા, વનદવ અને સર્પવિષની
વ્યથા તારે માટે; નયન મહીં શાને જલ ભરે?
હવે છુટાયે શું? અવ વિનવણી કોણ સુણશે?
ઊંડા પાતાળાને ઉદધિ-દવ, લાવા સળગતો
કર્યું જેણે પોમ્પી સમ નગરને ભસ્મ સરખું,
ચિંતા-અંગારાના કનકમય સ્ફુલિંગ ઊડતા—
રખે ભૂલે એને, દહન-તપને જે કંઇ રહ્યું
બધું તારે માટે.
અરે, ઓ રે આત્મા! રુદન નહિ તારાં કદી શમે,
હવે દાન્તેના એ શબદ ફરીથી યાદ કરવાઃ
All hope abandon, all ye enter here...
ર૭/ર૮-૩-૪૧
સ્રોત
- પુસ્તક : સ્વપ્નપ્રયાણ (પૃષ્ઠ ક્રમાંક 82)
- સંપાદક : ઉમાશંકર જોશી
- પ્રકાશક : એન. એમ. ત્રિપાઠી પ્રા. લિ.
- વર્ષ : 1959