સમાચાર પત્રને વિનંતિ ('હિંદુસ્તાન ઉપર હુનરખાનની ચઢાઈ'નો અંશ)

(કવિત)

વાર વાર નમસ્કાર તને સમાચાર પત્ર,

કરૂં છું ઉચ્ચાર તે વિચાર ચિત્ત ધારજે;

સર્વ લોક હિતકાર કહેજે આ સમાચાર;

અર્થ તારા નામનો સમર્થ થૈ સુધારજે;

જાણીશું અપાર ઉ૫કાર તારો તો આ વાર,

આપશું આશીષ આવા સમામાં ઉગારજે;

જાગશે જો મંડળીક વીર દુઃખ ભાગશે તો,

લાગશે અધિક પુણ્ય તુજને અપાર જે.

(દોહરા)

વર્તમાન કાળે બની, વર્ત્તમાન જે વાત;

વર્ત્તમાન પ્રિયપત્ર તું, વેગે કર વિખ્યાત.

ઓ ચાબુકના અધિપતિ, ચિતથિ ન કરજે ચૂક;

ઉઠાડ મંડિળ ઊંઘથી, ચમકાવી ચાબૂક.

જઈ જામે જમશેદ તું, શુભ ભાષણનો સાર;

કહે તારા નામેરિને ચિતમાં કરે વિચાર.

દર૫ણ નામે દોસ્ત તું, જન મંડળિ જગાડ;

હાલ અવસ્થા હિંદુની, ડહાપણથી દેખાડ.

Samachar patra ne vinanti ('Hindustan Upar Hunarkhan ni Chadhai'No Ansh)