ઊગ્યું પ્રભાત નમણું

ઊગ્યું પ્રભાત નમણું

ઊગ્યું પ્રભાત નમણું નયનોય ખૂલ્યાં

દીઠાં સુરમ્ય સુમનો દ્રુમવેલ ખીલ્યાં

મીઠા સુણ્યા કલનિનાદ વિહંગમોના

માણ્યા સુહૃદસ્વજનના ઉરભાવ મોંઘા-

ઊગી ઉષા અવર, બે નયનોય ખૂલ્યાં

ને સૃષ્ટિ અંકમહીં ઝૂલી રહ્યાં રસીલાં.

મધ્યાહ્નનો રવિ તપ્યો; ઉરતાપ વાધ્યો :

- આરામ તપ્ત ઉરને અભિરામ લાધ્યો.

છાયા રચી રહી શિરે અમરાઈ ઘેરી

માણી તદા મધુરતા ઋતુરાજ કેરી -

પ્રેમપ્રમોદ સહકારતણો પિછાણ્યો

શીળો ઉરદ્વય તણો સહચાર માણ્યો.

સંધ્યા નમી; હૃદયના પરિતાપ શામ્યા

ને શાન્ત સાત્ત્વિક સમુન્નત ભાવ ભાવ્યા;

થાક્યા હતા ચરણ ને હતું ચિત્ત થાક્યું

વિશ્રામ કાજ નિજ ધામ પ્રયાણ વાંછ્યું-

ક્યારે હવે અમિત ઓઢણ આભ ઓઢી

પંચક પાવક પરે સખિ જઈશું પોઢી

Ugyu Prabhat namanu