પ્રભાકર પત્રને વિનંતિ ('હિંદુસ્તાન ઉપર હુનરખાનની ચઢાઈ'નો અંશ)

(સવૈયો)

જ્ઞાનપ્રકાશ અવાસ અવાસ કરી, કર નાશ અજ્ઞાન અંધારૂં,

ઊંઘ ઉડાડ ઉઠાડ મહાબળિ, મંડળિસિંહ મહાજુદ્ધ સારૂ;

ઉદ્યમસ્થાન નિરૂદ્યમીને, દરશાવ શુણી પરણીપત મારૂં,

સાર્થક નામ સદા કરી લે તું, પ્રભાકર પત્ર પ્રભાકર તારૂં.

(છપ્પો)

પુસ્તકશાળા થકી, નકી અજ્ઞાનજ ટળશે,

સમય સમયપર શુદ્ધ, સભા સજ્જનની મળશે;

માસ માસમાં નવિન, પ્રવિન જન ભાષણ કરશે,

શ્રોતા વધશે સદા, સકળ જન એમ સુધરશે;

પછિ જાણશેજ રાજા પ્રજા, વર્તમાન લેઈ વાંચશે,

વળિ વિગતે વાત વિચારશે, પાંચ મળ્યા તો પાંચશે.

(કવિત)

જન સુધારાનું મૂળ જાણવી વિદ્યા જરૂર,

વિદ્યાનું છે મૂળ શાળા પુસ્તકોની પાઠની;

પાઠની પુસ્તકોની શાળાઓને સહાય કરો,

કરો પરમારથ મળાવી મુડી ગાંઠની;

તારશે અજ્ઞાન નદી તમારી પ્રજાને તેહ,

પ્રૌઢ નદી પાર હોડી કરે જેમ કાઠની;

આજથી ઉદ્યોગ જ્યારે આરંભશો અહોનિશ,

સુધરશે સર્વ પ્રજા વર્ષ મધ્ય સાઠની.

prabhaakar patrane vinanti ('Hindustan Upar Hunarkhan ni Chadhai'No Ansh)