રેખ્તા
હિન્દવી
સૂફીનામા
રાજસ્થાની
નામ એક, કાર્ય જુદાં
naam ek, karya juda
દલપતરામ
દલપતરામ
(મનહર છંદ)
સૃષ્ટિમાંહી હોય છે ઘણાકતણું શેઠ નામ.
એક તો કંજુસ અને એક તો ઉદાર છે;
એક વાદળી તો ચામડીનું લોહી ચૂશી લે છે,
એક વાદળી તો વિશ્વમાંહિ વર્ષનાર છે;
એક કરો આકાશથી પડી નેવાં ફોડી નાંખે,
એક કરો જુઓ અર્ધ ઘરનો આધાર છે;
સુણો રૂડા રાજહંસ દાખે દલપતરામ,
કનક ધંતુરો હેમ કેવો ફેરફાર છે.
સ્રોત
- પુસ્તક : ચૂંટેલી કવિતા : દલપતરામ (પૃષ્ઠ ક્રમાંક 192)
- સંપાદક : ચિમનલાલ ત્રિવેદી
- પ્રકાશક : ગુજરાત સાહિત્ય અકાદમી, ગાંધીનગર
- વર્ષ : 2002