રેખ્તા
હિન્દવી
સૂફીનામા
રાજસ્થાની
અમર ઇતિહાસે
amar itihase
દેશળજી પરમાર
દેશળજી પરમાર
ભમો ઝંઝાવાતો
ખમો વજ્રાઘાતો હૃદય પળ ના દુર્બળ કરો;
તમારા માર્ગમાં અધિક બળિયું પૌરુષ ભરો:
નખશિખ નિરાશા પરહરો. ૧
યુવાનો સત્કર્મે
પ્રજાના આદર્શે પ્રગતિમય ઉદ્ધાર સજશે;
પ્રયાણોના પંથે વિશદ પુનરુત્થાન ભજશે;.
શિવસ્વરૂપ સૃષ્ટિ સરજશે. ર
ઊગેલાં સ્વપ્નોનું
અધૂરા યત્નોનું જતન કરવા જાગ્રત રહો;
નવા સંસ્કારોનું મધુર ગરવું ઓજસ વહો:
પરમ વિભુ – આદેશ ઉચરો ૩
મહાહેતુ માટે
મહાસિદ્ધિ સાટે અડગ દિલથી અંત મથવું;
ગ્રહીને સંજોગો જગ સકલને શેાધી વળવું:
અખૂટ ઉલટે લક્ષ્ય રળવું. ૪
ઊંડા અંતર્નાદે
ઊંચા આશાવાદે યુવકજન હો! રાષ્ટ્ર રચવું;
પુરાતા પાયાના ચણતરમહીં પથ્થર થવું:
અમર ઇતિહાસે ભળી જવું. પ
સ્રોત
- પુસ્તક : નવી કવિતા (પૃષ્ઠ ક્રમાંક 23)
- સંપાદક : મનસુખલાલ ઝવેરી, રમણ વકીલ
- પ્રકાશક : વોરા એન્ડ કંપની
- વર્ષ : 1966
- આવૃત્તિ : 2