રેખ્તા
હિન્દવી
સૂફીનામા
રાજસ્થાની
ગુર્જરી ગિરા
gurjari gira
ઉમાશંકર જોશી
ઉમાશંકર જોશી
જે જન્મતાં આશિષ હેમચંદ્રની
પામી, વિરાગી જિનસાધુઓએ
જેનાં હીંચોળ્યાં મમતાથી પારણાં,
રસપ્રભા ભાલણથી લહી જે
નાચી અભંગે નરસિંહ-મીરાં-
અખા તણે નાદ ચડી ઉમંગે,
આયુષ્મતી લાડલી પ્રેમ ભટ્ટની,
દૃઢાયુ ગોવર્ધનથી બની જે,
અર્ચેલ કાન્તે દલપત્તપુત્રે
તે ગુર્જરી ધન્ય બની ઋતંભરા
ગાંધીમુખે વિશ્વમાંગલ્યધાત્રી.
[ર૬-ર-૧૯૩૭,૧૯૬ર, ૧૯૮૦. (નિથીશ)]
સ્રોત
- પુસ્તક : શ્રેષ્ઠ ઉમાશંકર (પૃષ્ઠ ક્રમાંક 26)
- સંપાદક : નિરંજન ભગત, ચિમનલાલ ત્રિવેદી, ભોળાભાઈ પટેલ
- પ્રકાશક : ગૂર્જર ગ્રંથરત્ન કાર્યાલય
- વર્ષ : 2005