રેખ્તા
હિન્દવી
સૂફીનામા
રાજસ્થાની
વિષાદ
wishad
હરિશ્ચંદ્ર ભટ્ટ
હરિશ્ચંદ્ર ભટ્ટ
નયનના રસથી જગ જોયું'તું
હૃદયના રસથી ભર્યું'તું જગ;
ખપવવા અવ જીવનને અહીં
શવ સમું જડ જીવન જીવવું?
સુખનું સ્વપ્ન ગયું, વીખરી ગયું,
દુખ ગયું, દુખની ગઈ વેદના,
રસથી જીવનને ભરતી હતી
નયન તેજશી, તે ગઈ કલ્પના.
સ્મરણની, સુખ-કંદનની અને
ગઠરી બાંધી ઉરોર્મિની મસ્તકે
વહેવી તે ફગવી દઈને હવે
અ-ગત નિર્મમતાથી વિલોકવું.
ઉરની ઊર્મિ ગઈ, કવિતા ગઈ,
ફરજની રસહીન કથા રહી.
સ્રોત
- પુસ્તક : સ્વપ્નપ્રયાણ (પૃષ્ઠ ક્રમાંક 138)
- સંપાદક : ઉમાશંકર જોશી
- પ્રકાશક : એન. એમ. ત્રિપાઠી પ્રા. લિ.
- વર્ષ : 1959