![](https://rekhtagujarati.org/Images/Shayar/round/9d083e2c-3f1a-4282-9522-5e11d57e0281.png)
ભર્યા સમંદર આંખોથી ખાલી કરવાના
હજી કેટલું જીવવાનું છે; બક્વાનું છે?
ગાલ નીચેની માટીમાં આકાશ લસરતું
સરવર જલને મળી ચૂકેલું માંસ બોલતું.
‘ભર્યા સમંદર આંખોથી ખાલી કરવાના’
જન્મ્યું શું?– રોજ ઊઠીને પૂછીએ તો ક્હે-
હજી કેટલું જીવવાનું છે; બકવાનું છે?
ગાલ નીચેની માટીમાં આકાશ લસરતું
પવન રુધિરે છણક્યો-છાતીનાં ફૂલ ખરશે
ખરશે એવું થઈને ભૂલ્યાં ગઈકાલને
યાદ કરીને ભૂલ્યાં -ભૂલ્યાં સુખ આજનાં
જન્મ્યું શું રોજ ઊઠીને પૂછીએ તો કહેઃ
‘પવન રુધિરે છણક્યો-છાતીનાં ફૂલ ખરશે'
એવું માઠું સમણું પાછું કાઢો-પાછું કાઢો.
મરવાનું છે કાલે ગીધને પાછું કાઢો, પાછું
યાદ કરીને ભૂલ્યાં એ પણ. સુખ આજનાં
ખરશે એવું સમજી ઝૂલ્યાં ગઈ કાલને
ઝૂલે. સરવર ઝૂલે, વાસણ ઝૂલે ઓરે!
મરવાનું છે કાલે ગીધને પાછું કાઢો, પાછું.
હજી અમે ના દીઠી કોયલ વ્હેતી; આંબો
હરતો ફરતો હજી અમે ના દીઠો, પર્વત
ઝૂલે? સરવર ઝૂલે? વાસણ ઝૂલે? ઓરે
હજી અમે ના દીઠી કોયલ વ્હેતી! આંબો
શરીરમાંથી લચક્યો ક્યારે? લળક્યો ક્યારે?
મરવાનું કાલે ગીધને પાછું કાઢો; પાછું.
હરતો ફરતો હજી અમે ના દીઠો પર્વત-
પર્વત બકાસુરનું મસ્તક થઈને વાગે!
વાગે-વહાણવટાની વાતો, ખરતું પાન આંખનું
વાગે-વાગે કન્યાની પીઠીનો પીળો પડછાયો.
હરતો ફરતો હજી અમે ના દીઠોઃ આંબો
શરીરમાંથી લળક્યો ક્યારે, લચક્યો ક્યારે?
લોહી વગરનો–માંસ વગરનો, કૈંક વગરનો.
bharya samandar ankhothi khali karwana
haji ketalun jiwwanun chhe; bakwanun chhe?
gal nicheni matiman akash lasaratun
sarwar jalne mali chukelun mans bolatun
‘bharya samandar ankhothi khali karwana’
janmyun shun?– roj uthine puchhiye to khe
haji ketalun jiwwanun chhe; bakwanun chhe?
gal nicheni matiman akash lasaratun
pawan rudhire chhanakyo chhatinan phool kharshe
kharshe ewun thaine bhulyan gaikalne
yaad karine bhulyan bhulyan sukh ajnan
janmyun shun roj uthine puchhiye to kahe
‘pawan rudhire chhanakyo chhatinan phool kharshe
ewun mathun samanun pachhun kaDho pachhun kaDho
marwanun chhe kale gidhne pachhun kaDho, pachhun
yaad karine bhulyan e pan sukh ajnan
kharshe ewun samji jhulyan gai kalne
jhule sarwar jhule, wasan jhule ore!
marwanun chhe kale gidhne pachhun kaDho, pachhun
haji ame na dithi koyal wheti; aambo
harto pharto haji ame na ditho, parwat
jhule? sarwar jhule? wasan jhule? ore
haji ame na dithi koyal wheti! aambo
sharirmanthi lachakyo kyare? lalakyo kyare?
marwanun kale gidhne pachhun kaDho; pachhun
harto pharto haji ame na ditho parwat
parwat bakasuranun mastak thaine wage!
wage wahanawtani wato, kharatun pan ankhanun
wage wage kanyani pithino pilo paDchhayo
harto pharto haji ame na ditho aambo
sharirmanthi lalakyo kyare, lachakyo kyare?
lohi wagarno–mans wagarno, kaink wagarno
bharya samandar ankhothi khali karwana
haji ketalun jiwwanun chhe; bakwanun chhe?
gal nicheni matiman akash lasaratun
sarwar jalne mali chukelun mans bolatun
‘bharya samandar ankhothi khali karwana’
janmyun shun?– roj uthine puchhiye to khe
haji ketalun jiwwanun chhe; bakwanun chhe?
gal nicheni matiman akash lasaratun
pawan rudhire chhanakyo chhatinan phool kharshe
kharshe ewun thaine bhulyan gaikalne
yaad karine bhulyan bhulyan sukh ajnan
janmyun shun roj uthine puchhiye to kahe
‘pawan rudhire chhanakyo chhatinan phool kharshe
ewun mathun samanun pachhun kaDho pachhun kaDho
marwanun chhe kale gidhne pachhun kaDho, pachhun
yaad karine bhulyan e pan sukh ajnan
kharshe ewun samji jhulyan gai kalne
jhule sarwar jhule, wasan jhule ore!
marwanun chhe kale gidhne pachhun kaDho, pachhun
haji ame na dithi koyal wheti; aambo
harto pharto haji ame na ditho, parwat
jhule? sarwar jhule? wasan jhule? ore
haji ame na dithi koyal wheti! aambo
sharirmanthi lachakyo kyare? lalakyo kyare?
marwanun kale gidhne pachhun kaDho; pachhun
harto pharto haji ame na ditho parwat
parwat bakasuranun mastak thaine wage!
wage wahanawtani wato, kharatun pan ankhanun
wage wage kanyani pithino pilo paDchhayo
harto pharto haji ame na ditho aambo
sharirmanthi lalakyo kyare, lachakyo kyare?
lohi wagarno–mans wagarno, kaink wagarno
![](/images/dot_seperator.png)
![](/images/dot_seperator.png)
![](/images/dot_seperator.png)
સ્રોત
- પુસ્તક : આપણી કવિતાસમૃદ્ધિ (ઉત્તરાર્ધ) (પૃષ્ઠ ક્રમાંક 307)
- સંપાદક : ચન્દ્રકાન્ત ટોપીવાળા
- પ્રકાશક : ગુજરાતી સાહિત્ય પરિષદ
- વર્ષ : 2004