રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

શૈશવ-સ્મૃતિ

મહેશ જોશી

શૈશવ-સ્મૃતિ

મહેશ જોશી

મારો બધો શૈશવનો ખજાનો;

કોડી, લખોટી, છીપલાં, ચણોઠી,

હજુય છે બદ્ધ સ્મૃતિ તળે રહ્યાં;

જે ગ્રીષ્મની કોઈ બપોર વેળા

ઉત્તાલ સૂરે ઉપન્યો હતો તે

વિહંગનો કંઠધ્વનિ, અચિંત;

ને પદ્મના કોશ મહીં પ્રસુપ્ત

કો રાજકન્યા તણી વારતાને

મૂકી અધૂરી નતનેત્ર દાદા

ઝૂક્યા (ઝૂલે ખાટ હજુ ય), ને જે

કીચૂડ કેરો લય બદ્ધ;–તે સ્મરું.

મારી બધી શૈશવની સ્મૃતિ અરે

આ વ્હીલની ઘર્ઘરમાં ન વિસ્મરું.

સ્રોત

પુસ્તક : યતિભંગ (પૃષ્ઠ ક્રમાંક 8)
સર્જક : મહેશ જોશી
પ્રકાશક : શ્રેયસ જામનગર
વર્ષ : 1975