રેખ્તા
હિન્દવી
સૂફીનામા
રાજસ્થાની
સાન
san
સાન
san
મીઠી ને વાગે રે વનમાં વાંસળી રે લોલ,
સાંભળતાં વ્યાકુળ થઈ વ્રજની નાર જો; મીઠી.
પાણીડાંને મસે રે ગોપી જોવા નિસરી રે લોલ,
બેડું મૂકયું સરોવરની પાળ જો;
ઊંઢાણી વળગાડી આંબાડાળ જો; મીઠી.
નીરને ભૂલી રે હરિને શોધતાં રે લોલ,
ન દેખું ક્યાંય નંદજીનો લાલ જો; મીઠી.
સખીએ માણસ તો હળવે શું આવે નહીં રે લોલ,
અમે કરતાં જપતપ તીરથ દાન જો; મીઠી.
સફળ થયો જન્મારો સખી, એક સેહેજમાં રે લોલ,
આંખલડી કીધી મુજને સાન જો; મીઠી.
સખી, જોતા ને જોતાં રે મળિયાં કુંજમાં રે લોલ,
શામળિયા પ્રભુ સોંપ્યા તમને પ્રાણ જો; મીઠી.
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 77)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસાઈ, પી. સી. પરીખ, વસંત જોધાણી.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968