વીંછીયો પહેરીને પાણી ગઈ’તી રે

વીંછીયો પહેરીને પાણી ગઈ’તી રે, અલબેલીનો વીંછીયો;

વીંછીયો જળમાં ડૂબ્યો રે, અલબેલીનો વીંછીયો;

મેલડીનો તાવો માન્યો રે, અલબેલીનો વીંછીયો;

શક્તિ ચોખા માન્યા રે, અલબેલીનો વીંછીયો;

ખોડિયારને લાપસી માની રે, અલબેલીનો વીંછીયો;

હનુમાનને લાડુ માન્યા રે, અલબેલીનો વીંછીયો;

વીંછીયો પહેરીને પાણી ગઈ’તી રે, અલબેલીનો વીંછીયો;

મેલડીને તાવો શેનો રે, અલબેલીનો વીંછીયો;

શક્તિને ચોખા શાના રે, અલબેલીનો વીંછીયો;

ખોડિયારને લાપસી શાની રે, અલબેલીનો વીંછીયો;

હનુમાનને લાડુ શાના રે, અલબેલીનો વીંછીયો;

મારો હતો ને મનો જડ્યો રે, અલબેલીનો વીંછીયો;

વીંછીયો પેરીને પાણી ગઈ રે, અલબેલીનો વીંછીયો;

પુસ્તક : ગુજરાતી લોકસાહિત્યમાળા – મણકો– ૫ (પૃષ્ઠ ક્રમાંક 139)
સંપાદક : ગુજરાત લોકસાહિત્ય સમિતિ (મંજુલાલ ર. મજમૂદાર, બચુભાઈ રાવત, મનુભાઈ જોધાણી, પદ્મશ્રી દુલાભાઈ કાગ, મેરૂભા ગઢવી, પુષ્કર ચંદરવાકર, ચન્દ્રકાન્ત વાઘેલા, કનૈયાલાલ જોશી, પ્રહ્લાદ ચી. પરીખ, નિરંજન સરકાર.
પ્રકાશક : ગુજરાત લોકસાહિત્ય સમિતિ, અમદાવાદ
વર્ષ : 1966

winchhiyo paherine pani gai’ti re