રેખ્તા
હિન્દવી
સૂફીનામા
રાજસ્થાની
વારજો
warjo
વારજો
warjo
આંબો મોર્યો ને લીંબે પાંદડાં રે લોલ,
જેના ઝરમરિયારા પાન; ઘેલું બોલું તો સગા, વારજો રે લોલ.
રાંધણવારી રે વેવાણ ચામડી રે લોલ,
જમણવારા હોંશીલાભાઈ સેણ રે;
ઘેલું બોલું તો સગા, વારજો રે લોલ.
જમતાં ને જોઉં તારી આંગડી રે લોલ,
સગા ચાલતાં ને જોઉં તારી ચાલ રે;
ઘેલું બોલું તો સગા, વારજો રે લોલ.
ફલાણાભાઈ ચડ્યા રૂડા આયણે રે લોલ.
જેંજા સોસો સિપાઈયેંજા સાથ રે;
ઘેલું બોલું તો સગા, વારજો રે લોલ.
ફલાણાભાઈ ચડ્યા રૂડા આયણે રે લોલ,
જેંજી સોના તલવાર, રૂપા ઢાલ રે;
ઘેલું બોલું તો સગા, વારજો રે લોલ.
હોંશીલાભાઈએ માર્યો રૂડો મરઘલો રે લોલ,
ફલાણા વેવાઈએ મારઈ રૂડી ઢેલ રે;
ઘેલું બોલું તો સગા, વારજો રે લોલ.
ફલાણા વેવાઈ બૈયરજા ચાગલા રે લોલ,
જેંજી મૂછે તો મોરિયેંજા ચોક રે;
ઘેલું બોલું તો સગા, વારજો રે લોલ.
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 80)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસા ઈ, પી. સી. પરીખ, પ્રા. નાગજીભાઈ કે.ભટ્ટી (આ ગીત શ્રી અને શ્રીમતી લક્ષ્મીનારાયણ લાલજીભાઈ જોશી પાસેથી મળેલ.)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968