રેખ્તા
હિન્દવી
સૂફીનામા
રાજસ્થાની
વણજાર પાળે ઊભી
wanjar pale ubhi
વણજાર પાળે ઊભી
wanjar pale ubhi
હુંયે તુજને પૂછું મારા નણંદના વીર રે;
વરસાવે મોંઘેરો મેઘ રે...વણઝાર પાળે ઊભી.
ઝરમર ઝરમર વરષા વરસતી રે;
ભાભીનાં ભીંજાય ચીર રે...વણઝાર પાળે ઊભી.
હુંને તને પૂછું મારા બાંધવાની જોડ રે;
રોપણી રોપતાં વરસાવે હેત રે...વણઝાર પાળે ઊભી.
હવે શોભે મારા બાંધવાની જોડ રે;
કાદવ ખૂંદાવે ધૂમ ચાલ રે...વણઝાર પાળે ઊભી.
મેહુલો વરસાવે, વા’લો રોપણી રોપાવે રે;
સંગે સખીઓની જોડ રે...વણઝાર પાળે ઊભી.
રોપણી રોપાય, મારું મનડું હરખાય રે;
સંગે સખીઓની જોડ રે...વણઝાર પાળે ઊભી.
ખેતરની પાળે મારો નાવલિયો ઊભો રે;
સંગે કનૈયાનો સાથ રે...વણઝાર પાળે ઊભી.
સ્રોત
- પુસ્તક : ગુજરાતી લોકસાહિત્યમાળા – મણકો– ૭ (પૃષ્ઠ ક્રમાંક 101)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસાઈ, પી. સી. પરીખ, વસંત જોધાણી)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968