રેખ્તા
હિન્દવી
સૂફીનામા
રાજસ્થાની
વા’લો ચૌદ ભુવનથી ઉતર્યા
wa’lo chaud bhuwanthi utarya
વા’લો ચૌદ ભુવનથી ઉતર્યા
wa’lo chaud bhuwanthi utarya
વા’લો ચૌદ ભુવનથી ઉતર્યા;
ઉતર્યા જી નંદને ઘેર, લાલા ગિરધારી!
વા’લે ચૌદ ભવન રચાવિયાં,
રચાવ્યાં છે આભ ને પાતાળ; લાલા ગિરધારી!
મામો કંસ કંકોતરી મોકલે,
જઈ દેજો ભાણેજોને હાથ; લાલા ગિરધારી!
ભાણેજ, આવો તો કમળ ફૂલ લાવજો,
નકર માથે ભૂમીનો ભાર; લાલા ગિરધારી!
વા’લે ઘોડીને માર્યો ધ્રુબકો
જઈ પડ્યા કારંદડી માંય; લાલા ગિરધારી!
ત્યાં સોળસો નાગણી ટોળે વળી,
આંય ક્યાંથી નાનેરાં બાળ! લાલા ગિરધારી!
માથે બાળમોવારાની બાબરી,
મોઢે ધમકે માનાં થાન; લાલા ગિરધારી!
વા’લે નાગ નાથીને કીધો પોઠીયો,
લઈ આવ્યા કમળનું ફૂલ; લાલા ગિરધારી!
ફૂલ દીધું મામાને હાથ,
વા’લે ઉતાર્યો ભૂમીનો ભાર; લાલા ગિરધારી!
સ્રોત
- પુસ્તક : ગુજરાતી લોકસાહિત્યમાળા – મણકો– ૫ (પૃષ્ઠ ક્રમાંક 211)
- સંપાદક : ગુજરાત લોકસાહિત્ય સમિતિ (મંજુલાલ ર. મજમૂદાર, બચુભાઈ રાવત, મનુભાઈ જોધાણી, પદ્મશ્રી દુલાભાઈ કાગ, મેરૂભા ગઢવી, પુષ્કર ચંદરવાકર, ચન્દ્રકાન્ત વાઘેલા, કનૈયાલાલ જોશી, પ્રહ્લાદ ચી. પરીખ, હરિલાલ કાળીદાસ મોઢા.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1966