થાળી જમો રે મારા’જ રે

થાળી જમો રે મારા’જ રે, મારી પ્રેમની થાળી.

મારે હાથ્યેથી રે મેં એ બનાવી, પ્રાણજીવન તમ કાજ રે;

મારી પ્રેમની થાળી; થાળી જમોને મારા’જ રે.

જળ તે જમનાજીની ઝારી ભરાતું, અસનાન કરો દીનાનાથ રે;

મારી પ્રેમની થાળી; થાળી જમોને મા’રાજ રે. મારી.

મેવા મીઠાઈ ને પકવાન બનાવું, ભોજન કરોને દીનાનાથ રે;

મારી પ્રેમની થાળી; થાળી જમોને મારાજ રે. મારી.

પાન સોપારી ને લવીંગ એલચડી, મુખવાસ કરો દીનાનાથ રે;

મારી પ્રેમની થાળી; થાળી જમોને મા’રાજ રે. મારી.

પુસ્તક : ગુજરાતી લોકસાહિત્યમાળા – મણકો– ૫ (પૃષ્ઠ ક્રમાંક 176)
સંપાદક : ગુજરાત લોકસાહિત્ય સમિતિ (મંજુલાલ ર. મજમૂદાર, બચુભાઈ રાવત, મનુભાઈ જોધાણી, પદ્મશ્રી દુલાભાઈ કાગ, મેરૂભા ગઢવી, પુષ્કર ચંદરવાકર, ચન્દ્રકાન્ત વાઘેલા, કનૈયાલાલ જોશી, પ્રહ્લાદ ચી. પરીખ, હરિલાલ કાળીદાસ મોઢા.
પ્રકાશક : ગુજરાત લોકસાહિત્ય સમિતિ, અમદાવાદ
વર્ષ : 1966

thali jamo re mara’ja re