આભમાં ઝીણી ઝબૂકે વીજળી રે

કે ઝીણા ઝરમર વરસે મેહ;

ગુલાબી! કેમ કરી જાશો ચાકરી રે? આભમાંo

ભીંજાય હાથી ને ભીંજાય ઘોડલાં રે,

કે ભીંજાય હાથીનો બેસતલ સૂબો;

ગુલાબી! કેમ કરી જાશો ચાકરી રે? આભમાંo

ભીંજાય મેડી ને ભીંજાય માળિયાં રે,

કે ભીંજાય મેડીની બેસતલ રાણી;

ગુલાબી! કેમ કરી જાશો ચાકરી રે? આભમાંo

તમને વ્હાલી દરબારી ચાકરી રે,

કે અમને વ્હાલો તમારો જીવ;

ગુલાબી! નૈ જાવા દઉં ચાકરી રે. આભમાંo

abhman jhini jhabuke wijli re