રેખ્તા
હિન્દવી
સૂફીનામા
રાજસ્થાની
આયો આયો રાવળિયો
aayo aayo rawaliyo
આયો આયો રાવળિયો રજબૂત,
દીકરીનાં આંણાં આવિયાં, મારા રાજ!
દાદા, તમારે આલવું હોય તે આલો,
પરદેશી સાથે મારે ચાલવું; મારા રાજ!
દાદે આલ્યાં હાથીડાંનાં દાન,
ઉપર આલી અંબાડી; મારા રાજ!
આયો આયો રાવળિયો રજબૂત,
દીકરીનાં આંણાં આવિયાં; મારા રાજ!
વીરા, તમારે આલવું હોય તે આલો,
પરદેશી સાથે મારે ચાલવું; મારા રાજ!
વીરે આલ્યાં ઘોડલીનાં દાન,
ઉપર આલી વેલડિયો; મારા રાજ!
આયો આયો રાવળિયો રજબૂત,
દીકરીનાં આંણાં આવિયાં, મારા રાજ!
માતા, તમારે આલવું હોય તે આલો,
પરદેશી સાથે મારે ચાલવું; મારા રાજ!
માતાએ આલ્યાં જોટડિયોનાં દાન,
દોયા ના આલ્યા ઘુણિયા; મારા રાજ!
આયો આયો રાવળિયો રજબૂત,
દીકરીનાં આંણાં આવિયાં; મારા રાજ!
ભોજાઈ, તમારે આલવું હોય તે આલો,
પરદેશી સાથે મારે ચાલવું; મારા રાજ!
ભોજાઈ આલ્યાં ગવાડાનાં દાન,
ઉપર આલ્યા ચૂડીલા, મારા રાજ!
આયો આયો રાવળિયો રજબૂત,
દીકરીના આંણાં આવિયાં, મારા રાજ!
સ્રોત
- પુસ્તક : ગુજરાતી લોકસાહિત્યમાળા – મણકો–1 (પૃષ્ઠ ક્રમાંક 263)
- સંપાદક : ગુજરાત લોકસાહિત્ય સમિતિ (ઉમાશંકર જોશી, પુષ્કર ચંદરવાકર, સુધા દેસાઇ, મંજુલાલ ર. મજમૂદાર, મધુભાઈ પટેલ, લાલચંદ ધૂળાભાઈ નીનામા, માધવ મો. ચૌધરી
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1957