ઊંચી ઊંચી રે

ઊંચી ઊંચી રે આંબલિયાની ડાળ

નીચા બંધાવો હીંચકા રે

બેચરભાઈને હીંચકા બંધાવો રે

લીલા વહુને નાનપણ સાંભર્યાં રે.

ભાંગી ભાંગી રે આંબલિયાની ડાળ.

ભાંગ્યાં લીલાવહુનાં હાડકાં રે

બાબુભાઈ રે લીલા વહુના ભઈ

તમે લાવો રે બત્રીસું કાટલું રે.

પુસ્તક : ગુજરાતી લોકસાહિત્યમાળા – મણકો– ૨ (પૃષ્ઠ ક્રમાંક 121)
સંપાદક : ગુજરાત લોકસાહિત્ય સમિતિ (ઉમાશંકર જોશી, પુષ્કર ચંદરવાકર, સુધા દેસાઇ, મંજુલાલ ર. મજમૂદાર, મધુભાઈ પટેલ, લાલચંદ ધૂળાભાઈ નીનામા, જોરાવરસિંહ જાદવ.
પ્રકાશક : ગુજરાત લોકસાહિત્ય સમિતિ, અમદાવાદ
વર્ષ : 1959

unchi unchi re