ઊભવાના ઓરતા

આંગણે ઊભાવાના ઓરતા, ને

ઘેર હવે કેમ કરી જાઉં, મોરી સઈ;

મેણાંની મારી હું તો રાફડામાં રઈ.

સસરો બોલ્યા તો ભલેં બોલ્યા, ને

મારી સાસુડી શા માટે બોલી, મોરી સઈ;

મેણાંની મારી હું તો રાફડામાં રઈ.

આંગણે ઊભવાના ઓરતા, ને

ઘેર હવે કેમ કરી જાઉં, મોરી સઈ;

મેણાંની મારી હું તો રાફડામાં રઈ.

જેઠ બોલ્યા તો ભલેં બોલ્યા, ને

મારી જેઠાણી શા માટે બોલી, મોરી સઈ;

મેણાંની મારી હું તો રાફડામાં રઈ.

આંગણે ઊભવાના ઓરતા, ને

ઘેર હવે કેમ કરી જાઉં, મોર સઈ;

મેણાંની મારી હું તો રાફડામાં રઈ.

દેર બોલ્યા તો ભલેં બોલ્યા, ને

મારી દેરાણી શા માટે બોલી, મોરી સઈ;

મેણાંની મારી હું તો રાફડામાં રઈ.

આંગણે ઊભવાના ઓરતા, ને

ઘેર હવે કેમ કરી જાઉં, મોરી સઈ;

મેણાંની મારી હું તો રાફડામાં રઈ.

પરણ્યો બોલ્યા તો ભલેં બોલ્યા, ને

મારી નણદી શા માટે બોલી, મોરી સઈ;

મેણાંની મારી હું તો રાફડામાં રઈ.

પુસ્તક : ગુજરાતી લોકસાહિત્યમાળા – મણકો– 7 (પૃષ્ઠ ક્રમાંક 9)
સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસાઈ, પી. સી. પરીખ. હરિલાલ કા. મોઢા.
પ્રકાશક : ગુજરાત લોકસાહિત્ય સમિતિ, અમદાવાદ
વર્ષ : 1968

ubhwana orta