રેખ્તા
હિન્દવી
સૂફીનામા
રાજસ્થાની
સુની રે ડેલી ને સૂના ડાયરા
suni re Deli ne suna Dayra
સુની રે ડેલી ને સૂના ડાયરા,
સુનાં છે કંઈ રામાવાળાનાં રાજ રે;
ઘેલી ગરના રાજા, વાવડી છોડીને વેરે નીકળ્યા.
પેલી રે ભાંગી પોતાની વાવડી,
પછી ભાંગ્યાં ગાયકવાડી ગામ રે;
ઘેલી ગરના રાજા, વાવડી છોડીને વેરે નીકળ્યા.
પાણી રે પાતા પટલને મારિયો,
વાંહે છૂટી છે ગાયકવાડી ફોજ રે;
ઘેલી ગરના રાજા, વાવડી છોડીને વેરે નીકળ્યા.
પાટુ રે મારીને પટારો તોડિયો,
વાગી ગઈ કંઈ ડાબા પગમાં ચૂંક રે;
ઘેલી ગરના રાજા, વાવડી છોડીને વેરે નીકળ્યા.
ભૂરા ભરવાડે આવી ભોળવ્યો,
દીધી તેણે જૂનાણાને જાણ રે;
ઘેલી ગરના રાજા, વાવડી છોડીને વેરે નીકળ્યા.
નથી રે ગાયેલો ચારણ ભાટનો,
ગાયો છે કંઈ નથુડો બારોટ રે;
ઘેલી ગરના રાજા, વાવડી છોડીને વેરે નીકળ્યા.
સૌરાષ્ટ્રના નામચીન બહારવટિયા રામવાળાના રાસડા પ્રચલિત છે. પણ થોડા ફેરફાર સાથે આ કોમ જે રાસડો ગાય છે તે અહીં મૂકું છું.
સ્રોત
- પુસ્તક : ગુજરાતી લોકસાહિત્યમાળા – મણકો– ૫ (પૃષ્ઠ ક્રમાંક 129)
- સંપાદક : ગુજરાત લોકસાહિત્ય સમિતિ (મંજુલાલ ર. મજમૂદાર, બચુભાઈ રાવત, મનુભાઈ જોધાણી, પદ્મશ્રી દુલાભાઈ કાગ, મેરૂભા ગઢવી, પુષ્કર ચંદરવાકર, ચન્દ્રકાન્ત વાઘેલા, કનૈયાલાલ જોશી, પ્રહ્લાદ ચી. પરીખ, નિરંજન સરકાર.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1966