રેખ્તા
હિન્દવી
સૂફીનામા
રાજસ્થાની
નગારાંની રણકે
nagaranni ranke
નગારાંની રણકે ડેરા દેજો માણારાય;
ડેરા દેજો, લેર્યું લેજો, માયા રાખજો, હો રાય!
સાથે મારા કિયા ભઈની લેશું જોડ માણારાય!
સાથે મારા ભીખાભાઈની લેશું જોડ, હો રાય!
નગારાંની રણકે ડેરા દેજો, માણારાય;
ડેરા દેજો, લેર્યું લેજો, માયા રાખજો, હો રાય!
સાથે મારા કિયા વવુની લેશું જોડ, માણારાય?
સાથે મારા રંભા વવુની લેશું જોડ, હો રાય;
નગારાંની રણકે ડેરા દેજો, માણારાય;
ડેરા દેજો, લેર્યું લેજો. માયા રાખજો, હો રાય!
વેલડી જોંય તો રાણી સાહેબાની લેજો માણારાય;
બળધ્યા જોયે તો ગામના પટલિયાના લેજો હો રાય!
નગારાંની રણકે ડેરા દેજો, માણારાય;
ડેરા દેજો, લેર્યું લેજો, માયા રાખજો, હો રાય!
હાથીડા જોયેં તો મોરધજ રાજાના લેજો માણારાય;
અંબાડિયું જોયેં તો રાણા રાયને કેજો, હો રાય!
નગારાંની રણકે ડેરા દેજો, માણારાય;
ડેરા દેજો, લેર્યું લેજો, માયા રાખજો, હો રાય!
ઘોડલિયા જોયેં તો મખઈ સાયેબના લેજો, માણારાય;
પલાણિયાં જોયેં તો મખઈયાણી બાને કે’જો, હો રાય!
નગારાંની રણકે ડેરા દેજો, માણારાય;
ડેરા દેજો, લેર્યું લેજો, માયા રાખજો, હો રાય!
રાજા તારી મલપતી જોવાને સઉ લોક આવે, માણારાય;
મલપતી મારા ભીખાભાઈની જોડ, હો રાય!
નગારાંની રણકે, ડેરા દેજો, માણારાય;
ડેરા દેજો, લેર્યું લેજો, માયા રાખડો, હો રાય!
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 103)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસા ઈ, પી. સી. પરીખ, પુરષોત્તમ સોલંકી)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968