રેખ્તા
હિન્દવી
સૂફીનામા
રાજસ્થાની
ટીલડી ઘડાવું
tilDi ghaDawun
અધમણ સોનું ને સવામણ રૂપું,
તેની મારી બંગડી ઘડાવો, પિયરિયામાં;
ચોરસ બંગડીને મારે તોલે ના’વે.
ક્યો તો નણંદબાઈ, કડલાં ઘડાવું,
કાંબિયુંની બે બે જોડ્યું, પિયરિયામાં;
ચોરસ બંગડીને મારે તોલે ના’વે.
અધમણ સોનું ને સવામણ રૂપું,
તેની મારી બંગડી ઘડાવો, પિયરિયામાં;
ચોરસ બંગડીને મારે તોલે ના’વે.
ક્યો તો નણંદબાઈ, ચુડલા ઘડાવું,
બંગડીની બે બે જોડ્યું, પિયરિયામાં;
ચોરસ બંગડીને મારે તોલે ના’વે.
અધમણ સોનું ને સવામણ રૂપું,
તેની મારી બંગડી ઘડાવો, પિયરિયામાં;
ચોરસ બંગડીને મારે તોલે ના’વે.
ક્યો તો નણંદબાઈ, ઝુમણાં ઘડાવું,
કાંઠલીની બે બે જોડ્યું, પિયરિયામાં;
ચોરસ બંગડીને મારે તોલે નાવે.
અધમણ સોનું ને સવામણ રૂપું,
તેની મારી બંગડીને ઘડાવો, પિયરિયામાં;
ચોરસ બંગડીને મારે તોલે ના’વે.
ક્યો તો નણંદબાઈ, નથડી ઘડાવું,
ટીલડીની બે બે જોડ્યું, પિયરિયામાં;
ચોરસ બંગડીને મારે તોલે ના’વે.
સ્રોત
- પુસ્તક : ગુજરાતી લોકસાહિત્યમાળા – મણકો– 7 (પૃષ્ઠ ક્રમાંક 17)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસાઈ, પી. સી. પરીખ. હરિલાલ કા. મોઢા.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968