રેખ્તા
હિન્દવી
સૂફીનામા
રાજસ્થાની
ઝાલાવાડી ઢોલ
jhalawaDi Dhol
ઝાલાવાડી ઢોલ
jhalawaDi Dhol
એક ઝાલાવાડી ઢોલ, ઝેણ જંતર વાગે;
કે મને ઢોલીડે રમવા મેલ, ભરવાડિયા રે,
ઓલી મોર જઉં તો ઢોલે રમું.
કે મને ડોકેથી દાણિયું ટોકું પડે;
કે મને દણિયાના કોડ પૂરા કર, ભરવાડિયા રે.
ઓલી મોર જઉં તો ઢોલે રમું.
એક ઝાલાવાડી ઢોલ, ઝેણ જંતર વાગે;
કે મને ઢોલીડે રમવા મેલ, ભરવાડિયા રે,
ઓલી મોર જઉં તો ઢોલે રમું.
કે મને ડોકેથી ઝરમર ટોંકી પડે;
કે મને ઝરમરના કોડ પૂરા કર, ભરવાડિયા રે,
ઓ મોર જઉં તો ઢોલે રમું.
રસપ્રદ તથ્યો
આ ગીત સાણંદ તાલુકાના કુંવાર ગામની બહેનો પાસેથી મળ્યું છે.
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 166)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસા ઈ, પી. સી. પરીખ, પુરષોત્તમ સોલંકી)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968