રેખ્તા
હિન્દવી
સૂફીનામા
રાજસ્થાની
સુરંગાનો મેળો
surangano melo
સુરંગાનો મેળો
surangano melo
નહોતું જાવું રે સુરંગાને મેળે.
બાર બાર વરસે સુથારી તેડાવ્યો,
માંડવડી ઘડી લાવો કુવેલબાઈ. – નહોતું.
બાર બાર વરસે લુહારી તેડાવ્યો,
માંડવડી મઢી લાવો કુવેલબાઈ. – નહોતું.
બાર બાર વરસે કુંભારી તેડાવ્યો,
પૈડાયાં લઈ આવો કુવેલબાઈ. – નહોતું.
બાર બાર વીરસે પીંજારી તેડાવ્યો,
દિવેટો કરી લાવો કુવેલબાઈ. – નહોતું.
બાર બાર વરસે ઘાંચીડો તેડાવ્યો,
તેલડાં લઈ આવો કુવેલબાઈ. – નહોતું.
રસપ્રદ તથ્યો
અસારવા રણછોડપુરાની વાઘરી બહેનોએ આપેલું.
સ્રોત
- પુસ્તક : ગુજરાતી લોકસાહિત્યમાળા – મણકો– ૨ (પૃષ્ઠ ક્રમાંક 23)
- સંપાદક : ગુજરાત લોકસાહિત્ય સમિતિ (ઉમાશંકર જોશી, પુષ્કર ચંદરવાકર, સુધા દેસાઇ, મંજુલાલ ર. મજમૂદાર, મધુભાઈ પટેલ, લાલચંદ ધૂળાભાઈ નીનામા, શિવશંકર પ્રાણલાલ શુક્લ
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1959