રેખ્તા
હિન્દવી
સૂફીનામા
રાજસ્થાની
સીતાને રાવણ રીઝવે
sitane rawan rijhwe
સીતાને રાવણ રીઝવે
sitane rawan rijhwe
સીતાને રાવણ રીઝવે,
સીતા છોડી દો રામનું નામ – સીતાને.
સીતા, કો’ તો લઈ આલું કલ્લાં જો,
સીતા, છોડી દો રામનું નામ – સીતાને.
તારાં કલ્લાં પથ્થરે પછાડું, નહિ છોડું રામનું નામ જો.
સીતા કો’ તો લઈ આલું આંહડીઓ જો,
સીતા, છોડી દો રામનું નામ – સીતાને.
તારી આંહડીને પથ્થરે પછાડું, નહિ છોડું રામનું નામ જો.
સીતા, કો’ તો કાંબી ને કડલાં લઈ આલું જો – સીતાને.
તારાં કાંબી ને કડલાં પથ્થરે પછાડું, નહિ છોડું રામનું નામ જો.
સીતા, લઈ આલું ચૂંદડી ને ટીલડી જો – સીતાને.
તારી ચૂંદડીને ટીલડીમાં લાગે લાય જો, નહિ છોડું રામનું નામ જો.
સીતા, તારે કાજે મહેલ મોલાત જો – સીતાને.
તારા મહેલો ને મોલાતમાં લાગી લાય જો, નહિ છોડું રામનુ નામ જો.
રસપ્રદ તથ્યો
(માધુપુરાના ઠાકોરવાસની બહેનોએ ગાયેલું.)
સ્રોત
- પુસ્તક : ગુજરાતી લોકસાહિત્યમાળા – મણકો– ૨ (પૃષ્ઠ ક્રમાંક 51)
- સંપાદક : ગુજરાત લોકસાહિત્ય સમિતિ (ઉમાશંકર જોશી, પુષ્કર ચંદરવાકર, સુધા દેસાઇ, મંજુલાલ ર. મજમૂદાર, મધુભાઈ પટેલ, લાલચંદ ધૂળાભાઈ નીનામા, શિવશંકર પ્રાણલાલ શુક્લ
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1959