રેખ્તા
હિન્દવી
સૂફીનામા
રાજસ્થાની
મારવાડણનો વાંક
marwaDanno wank
મારવાડણનો વાંક
marwaDanno wank
મારવી ઢોલા, મારવાડણનો વાંક છે.
મારવી ઢોલા, મારા ફળીમાં લીંબડી;
મારવી ઢોલા, લીંબડે ચડી જોશ રે; મારવી!
મારવી ઢોલા, સામે કાંઠે ચાર ઘોડલાં,
મારવી ઢોલા, વચલો મારો વીર રે; મારવી.
મારવી ઢોલા, વીરને ખભે ચુંદડી;
મારવી ઢોલા, ચોખળિયાળી ભાત રે; મારવી.
મારવી ઢોલા, એક ચોખો ખરી ગયો;
મારવી ઢોલા, તેની રાંધી મેં ખીર રે; મારવી.
મારવી ઢોલા, સગું કુટુંબ મેં નોતર્યું,
મારવી ઢોલા, નોતર્યું મારું પિયર રે; મારવી.
મારવી ઢોલા સગું કુટુંબ જમી રિયું;
મારવી ઢોલા, જમી રિયાં મારાં મૈયર રે; મારવી.
મારવી ઢોલા, વીર ને પિયુજી જમી રિયા;
મારવી ઢોલા, ન જમી નાભાઈ શોક્ય રે; મારવી.
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 281)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસા ઈ, પી. સી. પરીખ, ચંદ્રિકા જોધાણી)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968