રેખ્તા
હિન્દવી
સૂફીનામા
રાજસ્થાની
જીવન વા’લા
jiwan wa’la
જીવન વા’લા
jiwan wa’la
જમો તો જમાડું હો! જીવન વા’લા!
રમો તો રમાડું હો! જીવન વા’લા!
વા’લા મારા, તુરની દાળ છે ઝીણી,
જમો તો લાવું હું વીણી; હો! જીવન વા’લા! જમો.
વા’લા મારા, લાવું તાંદળિયાની ભાજી,
જમો તો લાવું હું તાજી; હો! જીવન વા’લા! જમો.
વા’લા મારા, સાટાં જલેબી ને ખાજાં,
જમો તો લાવું તાજાં; હો! જીવન વા’લા! જમો.
વા’લા મારા, લાવું નગરની બુંદી,
શ્યામાના તો પ્રેમ હુંદી; હો! જીવન વા’લા જમો.
વા’લા મારા, શોક્યની શેરીએ ના જાશો,
જાશો તો ગાળ ખાશો; હો! જીવન વા’લા જમો.
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 269)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસા ઈ, પી. સી. પરીખ, ચંદ્રિકા જોધાણી)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968