રેખ્તા
હિન્દવી
સૂફીનામા
રાજસ્થાની
ચોખા ખાંડુ ને કણચી વાવરું
chokha khanDu ne kanchi wawarun
ચોખા ખાંડુ ને કણચી વાવરું, મારાં છોરુડાં પરણાવું જી રે;
છોરુડાંને મદલે સાયબો ઉજળો, મારી સૈયર, હું બળુકી, હું જોરાવર જી રે;
હું ને મારો સાયબો લડિયાં જી રે!
એ રે બોલડિયે તમે બીજીને લાવજો, આખો ખાતાં ફડસ ખાશું જી રે;
સાયબા સોક્ય લાવો તો અમે અમારે વેંચીને ખાશું જી રે;
હું ને મારો સાયબો લડિયાં જી રે!
સોક્ય આવી સેમાડીયે, મને ત્યાંથી તે ટાઢ્યું ચડી જી રે;
બઈરે પાડોસણ બેનડી, મને ગોદડિયાં ઓઢાડો જી રે,
હું ને મારો સાયબો લડિયાં જી રે!
સોક્ય આવી સરોવરિયે, મારાં ઠાલાં બેડાં ઠમચ્યાં જી રે;
બાઈ રે પાડોસણ બેડાં ઢાંકજે, મને સોક્યની નજરું લાગે જી રે;
હું ને મારો સાયબો લડિયાં જી રે!
સોક્ય આવી આંગણિયે, મારાં બાંધ્યાં ઝોટાં ભડચ્યાં જી રે!
બાઈ રે પાડોસણ ઝોટાં બાંધજે, એને સોક્યની નજરું લાગે જી રે;
હું ને મારો સાયબો લડિયાં જી રે!
સોક્ય આવી ઓરડિયે, મારાં સૂતાં બાળ જાગ્યાં જી રે;
બાઈ રે પાડોસણ મારી બેનડી, મારાં છોરુડાં છાનાં રાખ્યે જી રે;
હું ને મારો સાયબો લડિયાં જી રે!
ઉઠો મારા સમરથ સસરાજી, જુવારું વેંકી આલો જી રે;
ઝોટડિયું અમારી, ઓરડા અમારા, સોક્યને ખીલો ને છાપરું જી રે;
હું ને મારો સાયબો લડિયાં જી રે!
