શરદપૂનમની રાત

આસો માસે શરદ પૂનમની રાત જો,

ચાંદલિયો ઊગ્યો રે સખી મારા ચોકમાં.

સસરો મારો ઓલ્યો જલમનો બાપ જો,

સાસુ રે ઓલ્યા જલમની માવડી..

જેઠ મારો અષાઢીલો મેઘ જો,

જેઠાણી ઝબૂકે વાદળ વીજળી.

દેર મારો ચાંપલિયાનો છોડ જો,

દેરાણી ચાંપલિયા કેરી પાંદડી.

નણંદ મારી વાડી માયલી વેલ્ય જો,

નણદોઈ મારો વાડી માંયલો વાંદરો.

પરણ્યો મારો સગી નણંદનો વીર જો.

તાણીને બાંધ રે નવરંગ પાઘડી.

sharadpunamni raat