રેખ્તા
હિન્દવી
સૂફીનામા
રાજસ્થાની
શાણાં થઇએ સહુને ગમીએ
shanan thaiye sahune gamiye
શાણાં થઇએ સહુને ગમીએ
shanan thaiye sahune gamiye
શાણાં થઇએ સહુને ગમીએ જાતીલા કહેવાઈ રે!
જાતીલાને એ શિખામણ કજાત ન કહીએ રે! ...શાણાં.
ગામમાં સાસરું ગામમાં પિયર વગર તેડે ન જઈએ જી રે!
રોજ જવાથી ભાવ ઘટે છે એ વડલા ન કરીએ જી રે! ...શાણાં.
માથા ઓળીએ સેંથા પૂરીએ દર્પણમાં ન જોઈએ જી રે!
મોટાં દેખી દર્પણ ન દેખીએ એ વડલા ન કરીએ જી રે! ...શાણાં.
દેર સાથે હસીએ રમીએ હાથતાળી ન દઈએ જી રે!
કોઈ કહે કોની નારી એ વડલા ન કરે જી રે! ...શાણાં.
માથે ઓઢી રોજ ફરીએ આંગણીએ ન ઊભીયે જી રે!
કોઈ કહે કોની દીકરી એ વડલા ન કરીએ જી રે! ...શાણાં.
વાતો કરતાં હસીને ન બોલીએ જી રે!
કોઈ કહે છે કજાત નારી એ વડલા ન કરીએ જી રે! ...શાણાં.
સ્રોત
- પુસ્તક : ગુજરાતી લોકસાહિત્યમાળા – મણકો– ૪ (પૃષ્ઠ ક્રમાંક 55)
- સંપાદક : ગુજરાત લોકસાહિત્ય સમિતિ (ધૂમકેતુ, મંજુલાલ ર. મજમૂદાર, પુષ્કર ચંદરવાકર, સુધા રમણલાલ દેસાઇ, મધુભાઈ પટેલ, કનૈયાલાલ જોશી, પદ્મજા ચંદરવાકર.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1964